![](https://newspolar.com/wp-content/uploads/2022/03/ipl_kkr_team_2020_Ty8z8jVLHk.jpg)
अबुधाबीः इन्डियन प्रिमियर लिग अन्तर्गत बुधबारको रोमाञ्चक खेलमा कोलकाता नाइट राइडर्स (केकेआर) ले चेन्नाई सुपर किंग्सलाई १० रन पराजित गरेको छ । पहिले ब्याटिङ गरेको कोलकाताले सबै विकेट गुमाएर २० ओभरमा १६७ रन बनाएको थियो ।
कोलकाताका लागि सबैभन्दा बढी रन बनाएर म्यान अफ द म्याच घोषित भएका राहुल त्रिपाठीले ८१ रनको महत्वपूर्ण पाली खेलेका थिए ।
जवाफमा शेन वाट्सनले चेन्नाई सुपर किंग्सका लागि राम्रो शुरुआत गरेका थिए, र १० ओभरसम्म चेन्नाई विजय उन्मुख देखिएको थियो । तर आखिरी १० ओभरमा केकेआर खेलमा फर्कियो ।
चेन्नाईले ५ विकेटको क्षतिमा १५७ रन मात्र बनाउन सक्यो । केकेआरले ५ खेलबाट तीन जित निकालेको छ र अंक तालिकामा तेस्रो स्थानमा उक्लिएको छ । पहिलो र दोस्रो स्थानमा क्रमशः मुम्बई र दिल्ली रहेका छन् । (एजेन्सी)