काठमाडौँ । कर्णाली याक्सले नेपाल प्रिमियर लिग (एनपिएल) को प्लेअफमा स्थान बनाएको छ ।
जारी लिग चरणको अन्तिम खेलमा सुदूरपश्चिम रोयल्सले १२.२ ओभरमा कर्णालीमाथि जित हासिल गरेको भए काठमाडौं गुर्खाज शीर्ष चारमा रहेर प्लेअफ पुग्ने समीकरण थियो ।
तर, सुदूरपश्चिमले १२।२ ओभरमा तीन विकेट गुमाएर ७२ रन मात्रै बनाएपछि कर्णाली रनरेटमा माथि रहँदै प्लेअफको टिकट काटेको हो ।
योसँगै एनपिएलको प्लेअफमा पुग्नै चार वटै टोलीको टुंगो लागेको छ । सुदूरपश्चिम, जनकपुर बोल्ट्स र चितवन राइनोज पनि प्लेअफमा पुगिसकेका छन् ।
