काठमाडौँ । नेपाल प्रिमियर लिग (एनपिएल) अन्तर्गत २७ औं खेलमा पोखरा एभेन्जर्स र सुदूरपश्चिम रोयल्सबीच प्रतिस्पर्धा भइरहेको छ ।
कीर्तिपुरस्थित टियु मैदानमा जारी खेलमा सुदूरपश्चिमले पोखरालाई १५४ रनको लक्ष्य दिएको छ ।
टस हारेर ब्याटिङ थालेको सुदूरपश्चिमले २० ओभरमा ७ विकेट गुमाएर १५३ रन जोड्यो ।
उसका लागि आरिफ शेखले अविजित ४२, ब्रान्डन म्याकमुलेनले २३, दिपेन्द्रसिंह ऐरीले २०, विनोद भण्डारीले १४, हरमित सिंहले १३ रन बनाए भने इशान पाण्डे १० रनमा रिटायर्ड आउट भए ।
बलिङतर्फ पोखराका कुशल भुर्तेलले दुई तथा रेमोन रिफर, सागर ढकाल र माइकल लिस्कले एक–एक विकेट लिए ।
