काठमाडौँ । च्याम्पियन्स लिग फुटबलमा इंग्लिस क्लब आर्सनलले जित निकालेको छ । गएराति भएको खेलमा आर्सनलले पोर्चुगिज क्लब स्पोर्टिङ सिपिलाई ५–१ गोलले हराएको हो ।
पाहुना टोलि आर्सनललाई जित दिलाउन, गाब्रियल मार्टिनेली, काई हाभेट्र्ज, गाब्रियल, बुकायो साका (पेनाल्टीं र लियान्ड्रो ट्रोसार्डले गोल गरे ।
यता, घरेलु टोलि स्पोर्टिङका गोन्कालो इनासिओले एकमात्र गोल गरे । जितसँगै आर्सनलले ५ खेलमा १० अंक जोडेको छ भने टोलि सातौं स्थानमा छ । समान खेलबाट समान अंकसहित स्पोर्टिङ आठौं स्थानमा छ ।
यस्तै, गएराति नै भएको अर्को खेलमा स्पेनिस क्लब बार्सिलोनाले फ्रेन्च क्लब ब्रेस्ट एफसीलाई ३–० गोलले हरायो ।
घरेलु टोलिलाई जित दिलाउन रोबर्ट लेवान्डोस्कीले १० औं मिनेटमा (पेनाल्टी) र इन्जुरी समयमा गरेर दुई गोल गर्दा ६६ औं मिनेटमा ड्यानी ओल्मोले गोल गरे । बार्सिसोला ५ खेलबाट १२ अंकसहित तालिकाको दोस्रो स्थानमा छ । ब्रेस्ट १० अंकसहित नवौं स्थानमा छ ।
