काठमाडौँ । ग्रेटर नेपाल अभियान्ता फणिन्द्र नेपाल पक्राउ परेका छन् । नेपाललाई बिहीबार शान्तिनगरबाट पक्राउ गरिएको काठमाडौँ प्रहरी परिसरले जनाएको छ ।
नेपाल भ्रमणमा रहेका भारतीय स्थल सेनाध्यक्ष उपेन्द्र द्विवेदीलाई कालो झण्डा देखाउन सक्ने आशंकामा उनलाई नियन्त्रणमा लिइएको बताईएको छ ।
काठमाडौँ प्रहरी परिसरका एसपी नवराज अधिकारीले भने केही कुरा बुझ्नुपर्ने भएकाले नेपाललाई नियन्त्रणमा लिईएको बताएका छन् ।
बुधबार एक प्रेस विज्ञप्ति जारी गर्दै नेपालले सेनाध्यक्ष द्वीवेदीलाई नेपालको मानार्थ महारथी पदवी दिन लागिएकोमा आपत्ति जनाएका थिए ।
