काठमाडौं । विश्वकप छनोट खेलमा अर्जेन्टिना पराजित भएको छ ।
केहिबेरअघि सम्पन्न खेलमा अर्जेन्टिना पाराग्वेसँग २-१ गोलले स्तब्ध बनेको हो ।
घरेलु टोलि पाराग्वेलाई जित दिलाउन खेलको १९ औं मिनेटमा एन्टोनियो सानाब्रीयाले र ४७ औं ओमार अल्डेरेटेले गोल गरे ।
खेलमा अग्रता भने अर्जेन्टिनाले बनाएको थियो । ११ औं मिनेटमा लौटारो मार्टिनेजले गोल गर्दै अर्जेन्टिनालाई सुरुवाती अग्रता दिलाएका थिए ।
यद्यपि हार बेहोरेपनि अर्जेन्टिना शीर्षस्थानमा छ । ११ खेल बाट उसको २२ अङ्क छ । पाराग्वे १६ अङ्कका साथ छैटौं स्थानमा छ ।
