काठमाडौँ । आगामी आठ हप्तासम्म अस्ट्रेलियाका लागि उडान भर्ने नेपाली विद्यार्थीहरुले भिसा आवेदन गर्दा लाग्ने शुल्क फिर्ता पाउने भएका छन् । साथै अस्ट्रेलियामा रहेका नेपाली विद्यार्थीले हप्तामा २० घण्टा काम गर्न पाउने भएका छन् । गृहमन्त्री बालकृष्ण खाँणले सो जानकारी दिनुभएको हो ।
मन्त्री खाँणले केही दिनअघि नेपालका लागि अस्ट्रेलियाकी राजदुत फेलिसिटी भोल्कसँगको शिस्टाचार भेटमा अस्ट्रेलियामा रहेका नेपाली विद्यार्थीहरुको समस्यालाई आत्मसाथ गर्दै हप्तामा २० घण्टाभन्दा बढी काम गर्न पाउने वातावरण मिलाउन आग्रह गरेको बताउनुभयो ।
उहाँले आज अस्ट्रेलियाका प्रधानमन्त्रीको वक्तव्यमा ती कुरा समावेश भएको उल्लेख गर्नुभयो ।
