काठमाडौं । भिजिट भिसामा कुबेत उड्न लागेका २२ जना युवतीहरु त्रिभुवन अन्तर्राष्ट्रिय विमानस्थलबाट फर्काइएका छन् ।
मानवतस्करीको आशंकामा विमानस्थल अध्यागमनबाट उनीहरु फिर्ता भएका हुन् ।
उनीहरु हिमालयन एयरलाइन्सको बिहीबार राति ९ः४५ को उडानबाट कुवेत जान लागेका थिए । दुबई हुँदै कुवेत जान लागेका उनीहरूसँग एकातिरको बोर्डिङ पास र अर्कातिरको भिसा भएको फेला परेपछि राति नै फिर्ता गरिएको बताइएको छ ।
उनीहरुसँग दुबईको भिसा र कुवेतको बोर्डिङ पास थियो । यद्यपि, घटनामा कोही पक्राउ परेका छैनन् । एकजना पुरुषलाई प्रहरीले नियन्त्रणमा लिएर सोधपुछ गरि छाडेको छ ।
