काठमाडौं । आइसिसी विश्वकप लिग–२ क्रिकेटमा नेपालले आज घरेलु टोली अमेरिकासँग प्रतिस्पर्धा गर्दैछ ।
टेक्सासस्थित ग्रान्ड प्रेरी क्रिकेट स्टेडियममा खेल नेपाली समय अनुसार राति सवा नौ बजे सुरु हुनेछ ।
लिग९२ मा हालसम्म निराशाजनक प्रदर्शन गरेको नेपालले यसै त्रिकोणात्मक सिरिजको दोस्रो खेलमा भने बलियो टोली स्कटल्यान्डलाई पाँच विकेटले हराउँदै पुनः लयमा फर्किएको छ ।
तर, यस सिरिजको पहिलो खेलमा नेपाल अमेरिकासँग तीन विकेटले पराजित भएको । नेपाल सोही हारको बदला लिने लक्ष्यमा हुनेछ ।
दुई टोलीबीच हालसम्म खेलिएका आठ ओडीआईमा नेपालले ४ र अमेरिकाले ३ खेल जितेको छ । एक खेल बिना नतिजा सकिएको छ ।
लिग–२ अंक तालिकामा नेपाल सातौं स्थानमा छ । टोलीले १० मध्ये २ खेल जित्दै ५ अंक जोडेको छ । यस्तै, अमेरिका ११ खेलमा ७ जितसहित १४ अंक जोडेर दोस्रो स्थानमा छ ।
