काठमाडौँ । बंगलादेश साफ महिला च्याम्पियनसिप फुटबलको फाइनलमा प्रवेश गरेको छ ।
त्रिपुरेश्वरस्थित दशरथ रंगशालामा भर्खरै सम्पन्न खेलमा भुटानलाई गोलले हराउँदै बंगलादेशले फाइनलको टिकट काटेको हो ।
बंगलादेशलाई फराकिलो जित दिलाउन तोहुरा खातुनले ह्याट्रिक गरिन् भने सबिना खातुनले २ तथा रितु चकमा र मसुरा पर्भिनले एक–एक गोल गरे । भुटानकी डेकी ल्हाजोमले एक गोल फर्काइन् ।
योसँगै बंगलादेशले फाइनलमा नेपाल र भारतबीचको विजेतासँग खेल्नेछ । नेपाल र भारतबीचको खेल साँझ ६ः३० बजे सुरु हुनेछ । फाइनल खेल बुधबार हुनेछ ।
