एजेन्सी । पहिलो टेस्ट खेलमा न्यूजिल्याण्डले घरेलु टोली भारतलाई ८ विकेटले पराजित गरेको छ । बेंगलुरूमा भारतले दिएको १०७ रनको लक्ष्य २ विकेटको क्षतिमा पूरा गर्दै न्युजिल्यान्डले ८ विकेटको जित निकालेको हो ।
यो जितसँगै न्युजिल्याण्डले तीन खेलको सिरिजमा १–० को अग्रता बनाएको छ । न्यूजिल्याण्डले पहिलो इनिङ्समा भारतलाई ४६ रनमा अलआउट गरेको थियो । यसपछि रचिन रविन्द्रको १३४ रन र डेभोन कोनवेको ९१ रनको सहयोगमा न्युजिल्यान्डले आफ्नो पहिलो इनिङ्समा ४ सय २ रन बनाएको थियो ।
सर्फराज खानको (१५०) पहिलो टेस्ट शतक र ऋषभ पन्तको ९९ रनको मद्दतमा भारतले दोस्रो इनिङ्समा न्यूजिल्याण्डलाई ४६२ रनको सहज लक्ष्य दिएको थियो ।
न्युजिल्यान्डले सन् १९८८ पछि पहिलो पटक भारतमा टेस्ट जितेको हो । भारत र न्युजिल्यान्डबीचको दोस्रो टेस्ट आउँदो बिहीवारदेखि पुनेमा र तेस्रो तथा अन्तिम टेस्ट नोभेम्बर १ देखि मुम्बईमा शुरू हुनेछ ।
