एजेन्सी । गाजा पट्टीमा इजरायलको चलिरहेको आक्रमण एक वर्ष पहिले अक्टोबर ७, २०२३ को दक्षिणी इजरायली सीमामा हमासको आक्रमणको प्रतिक्रियामा शुरु भएको थियो । गाजामा इजरायली आक्रमणबाट प्यालेस्टिनीको मृत्युको संख्या अहिले झन्डै ४२ हजार पुगेको छ । चोटपटक भएकाको संख्या एक लाखको नजिक छ । गाजा पट्टीमा युद्धले बालबालिकालाई ठूलो नोक्शान गरिरहेको छ । प्यालेस्टिनी स्वास्थ्य मन्त्रालयको सेप्टेम्बरको अनुमान अनुसार १४ हजार भन्दा बढी बालबालिका मारिएका छन् । गाजाका बालबालिकाहरूले युद्धको दर्दनाक अनुभवहरूको सामना गरेका छन् ।
गाजा पट्टीको अवस्था सामूहिक विवेकमा बढ्दो दाग रहेको मध्यपूर्व र उत्तर अफ्रिकाका लागि युनिसेफ क्षेत्रीय निर्देशक एडेल खोडरले बताउनु भयो । युद्धमा मानिसलाई मार्ने हतियार भएको उहाँको भनाइ छ । ल्यान्सेटमा प्रकाशित हालैको अध्ययनका अनुसार इजरायलले गरेको हिंसाले गाजामा १ लाख ८६ हजारभन्दा बढी मानिसको ज्यान लिनसक्छ । यो अनुमानले ठूलो मात्रामा भोकमरी, स्वास्थ्य सेवामा पहुँचको कमी र सार्वजनिक पूर्वाधार र सरसफाई प्रणालीको बिचमा रोगहरूको द्रुत फैलावटका कारण हुने प्रत्यक्ष र अप्रत्यक्ष मृत्यु दुवै समेटिएका छन् ।
अक्टोबर ८, २०२३ देखि हिजबुल्लाह र इजरायली सेना लेबनानी–इजरायली सीमाना पार गर्दै आक्रमण गरिरहेका छन् । यस वर्षको सेप्टेम्बर २७ मा, इजरायली हवाई आक्रमणमा इरान समर्थित हिजबुल्लाह नेता हसन नसरल्लाह मारिए । जवाफमा इरानले मंगलवार साँझ इजरायलमा करिव १८० मिसाइल प्रहार गरेको थियो । इजरायल र इरानबीचको पछिल्लो टकरावले इजरायलको युद्धको मोर्चालाई व्यापक क्षेत्रीय युद्धमा परिणत गर्ने डर बढाएको छ ।
प्रधनमन्त्री नेतान्याहुले तेहरानका तानाशाहलाई आफूलाई प्रहार गरे दोहोरो चुनौतिको सामना गर्नुपर्ने चुनौति दिनुभएको छ । यमन र सिरियामा पनि इजरायलले हवाई आक्रमण गरेको रिपोर्ट आएको छ ।
शान्तिको लागि बाधा
तनावको सामना गर्दै युद्धविराम र शान्तिको लागि आवाज विश्वको मूलधार भएको छ । संयुक्त राष्ट्र महासचिव एन्टोनियो गुटेर्रेसले यो समय बन्दुक बन्द गर्नुपर्ने समय भएको बताउनु भयो ।
विश्वका अधिकांश नेताहरुले चलिरहेको नरसंहार तत्काल रोक्न आग्रह गरेका छन् । संयुक्त राज्य अमेरिकाले प्यालेस्टाइन–इजरायली मुद्दामा बारम्बार आफ्नो संयुक्त राष्ट्र भिटो प्रयोग गर्दै आएको छ । गाजा द्वन्द्व शुरु भएको सात महिनामा अमेरिकाले पाँच पटक भिटो प्रयोग गरेको थिया । चार पटक, अमेरिकाले गाजामा युद्धविराम अवरुद्ध गरेको छ । यो मनोवृत्तिले विश्वभर चिन्ता बढाएको छ । द्वन्द्व बढ्दै गएपनि अमेरिकी राष्ट्रपति जो बिडेनले इजरायलको लड्ने अधिकार दोहोर्याउनु भएको छ ।
इजरायलीहरूसँग इरानीहरूबाट मात्र नभइ सबै आक्रमणकारीस्ँग लड्ने अधिकार रहेको बाइडेनले बताउनुभएको छ । गत मंगलवार ह्वाइट हाउसले एक विज्ञप्तिमा राष्ट्रपति बिडेनले अमेरिकी सेनालाई इरानको बिरूद्ध इजरायलको सुरक्षामा सहयोग गर्न निर्देशन दिनुभएको थियो । द्वन्द्वले धेरै मानिसको ज्यान लिइसकेको छ । अहिले हतियारको सट्टा शान्ति प्रयासको आवश्यकता छ ।
