काठमाडौँ । च्याम्पियन्स लिग फुटबलमा पेरिस सेन्ट जर्मेन (पिएसजी)ले संघर्षपूर्ण जित निकालेको छ ।
गएराति भएको खेलमा फ्रेञ्च क्लब पिएसजीले स्पेनिस क्लब जिरोनालाई १–० गोलले पराजित गरेको हो ।
घरेलु मैदानमा पिएसजीले जित निकाल्न उपहार गोल पाउनुपर्यो । खेल सकिनै लाग्दा जिरोनाका गोलकिपर पाउलो गाजानिगाले आत्मघाती गोल गर्न पुगेपछि पिएसजीले जितको स्वाद चाखेको हो ।
खेलको ९० औं मिनेटमा पिएसजीका नुनो मेन्डिसले प्रहार गरेको बल गोलकिपर पाउलोको टाङ मुनिबाट फुत्काएपछि बलले जाली चुमेको थियो ।
जितसँगै पिएसजीले ३ अंक जोडेको छ ।
