काठमाडौं । सोमबार नेप्से कारोबारको पहिलो घण्टामा परिसूचक १ दशमलव ११ अंकले ओरालो लागेको छ । १ हजार ७८९ दशमलव ३६ विन्दुबाट शुरु भएको बजार कारोबारको पहिलो घण्टामा शून्य दशमलव शून्य ६ प्रतिशत घटेर १ हजार ७८१ दशमलव ७० विन्दुमा पुगेको छ । पहिलो घण्टाको अवधिमा १८८ ओटा कम्पनीको रू. १ अर्ब १४ करोड ९८ लाख बराबरको २५ लाख ५६ हजार ११२ कित्ता शेयरको खरीदविक्री भएको छ । उक्त कारोबार ११ हजार ५२१ पटकको व्यापारमा भएको हो ।
पहिलो घण्टामा कारोबारमा आएका १२ ओटा समूहको परिसूचकमध्ये बैंकिङ, होटल्स, विकास बैंक, जलविद्युत, वित्त, उत्पादन तथा प्रशोधन समूहको परिसूचक बढेको छ भने बाँकी व्यापार, जीवन बीमा, लघुवित्त, निर्जीवन बीमा, अन्य र म्युचुअल फण्ड समूहको परिसूचक घटेको छ । यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. ७ करोड ९२ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू.१ हजार १३३ मा कारोबार भइरहेको छ ।
