काठमाडौँ । नेपाल पत्रकार महासंघका केन्द्रीय अध्यक्ष बिपुल पोखरेलले राजीनामा दिएका छन् ।
पत्रकार महासंघको चुनावको मिति पटक–पटक सरेर अबको मितिमा पनि निर्वाचन नहुने सम्भावना भएपछि पोखरेलले राजनीनामा दिएका हुन् ।
आइतबार बसेको केन्द्रीय समितिको बैठकमा मतदाताको अन्तिम नामवली सार्वजनिक गर्नुपर्ने अडान केन्द्रीय अध्यक्षले राखेपनि अन्य सदस्यहरुले भने विवाद हल भएपछि मात्रै नामावली सार्वजनिक गर्नुपर्ने बताएका थिए ।
नामावली सार्वजनिक गर्न नसकेपछि अब असोज ५ का लागि तय भएको निर्वाचन मितिमा पनि भुनाव हुन नसक्ने स्थिति बनेको छ । यसैका कारण अध्यक्ष पोखरेलले राजीनामा दिएको बुझिएको छ ।
पत्रकार महासंघको जिल्ला, प्रदेश र केन्द्रको अवधि चैतमा नै सकिसकेको छ ।
