काठमाडौँ । स्वरोजगार लघुवित्त वित्तीय संस्थाले शेयरधनीहरुलाई १३.९६ प्रतिशत लाभांश दिने घोषणा गरेको छ ।
शनिबार बसेको सञ्चालक समितिको बैठकले आव २०७६र७७ को नाफाबाट हाल कायम चुक्ता पूँजीको १३.२७ प्रतिशत बोनस शेयर र ०.६९ प्रतिशत नगद लाभांश (बोनस शेयरमा लाग्ने कर प्रयोजनार्थ) प्रस्ताव गर्ने निर्णय गरेको हो । हाल कम्पनीको कायम चुक्ता पूँजी ३४ करोड १६ लाख १२ हजार १ सय २० रुपियाँ रहेको छ ।
सञ्चालक समितिले प्रस्ताव गरेको लाभांश नेपाल राष्ट्र बैंकबाट स्वीकृति र आगामी साधारण सभाले पारित गरेपछि वितरण गरिने कम्पनी सचिव मनोजकृष्ण उप्रेतीले जनाएका छन् ।
