काठमाडौँ । साफ यू–२० च्याम्पियनसिपको उपाधिका लागि नेपाल र बंगलादेशले प्रतिस्पर्धा गरिरहेका छन् ।
सातदोबाटोस्थित एन्फा कम्प्लेक्सको मैदानमा जारी खेलमा बंगलादेशले आयोजक नेपालविरुद्ध २–० गोलको अग्रता बनाएको छ ।
बंगलादेशका लागि दुबै गोल मिराजुल इस्लामले गरे । खेलको इन्जुरी समयमा मिराजुलले पहिलो गोल गरे । उनले फ्रिकिकबाट सुन्दर गोल गरे ।
नेपालका गोलकिपर जयरथ शेखले गोल बचाउने कुनै मौका नै पाएनन् ।
यस्तै दोस्रो हाफमा ५५ औं मिनेटमा मिराजुलले गोल गर्दै अग्रता दोब्बर पारे । उनले हेडरमार्फत गोल गरे । जारी प्रतियोगितामा उनको यो चौंथो गोल हो ।
