एजेन्सी । समोआका ब्याट्सम्यान ड्यारियस भिसरले टी–२० अन्तर्राष्ट्रियमा एक ओभरमा सर्वाधिक ३९ रन बनाएर कीर्तिमान बनाएका छन् ।
यसअघि यो कीर्तिमान युवराज सिंह, किरोन पोलार्ड, निकोलस पूरन र दीपेन्द्र सिंह ऐरीको नाममा थियो ।
सबैले १ ओभरमा ३६ रन बनाएका छन् । मङ्गलबार (२० अगस्ट) आईसीसी पुरुष टी–२० विश्वकप उपक्षेत्रीय पूर्वी एसिया प्यासिफिक क्वालिफायर ए को खेलमा भानुआटु विरुद्ध भिसरले तीव्र गतिका बलर नलिन निपिकोविरुद्ध ३९ रन बनाएका थिए ।
भिसरले ६ बलमा ६ छक्का प्रहार गर्दा नो बलमा ३ रन जोडे ।
समोआको इनिङ्समा १५ औं ओभरमा भानुआटुका लागि सीमर नलिन निपिको बलिङ गर्दै थिए । डारियस भिसर क्रिजमा । भिसरले ओभरको पहिलो तीन बलमा ३ छक्का प्रहार गरे ।
जबकि चौथो बल नो बल थियो । त्यसपछि अर्को बलमा भिसरले छक्का प्रहार गरे । त्यसपछि पाँचौं र छैटौं बलमा रन बन्न सकेन तर छैटौं बल नो बल थियो, यसपछि फ्याँकिएको बल पनि नो बल थियो र ६ रनमा बाउन्ड्री बाहिर गयो । फेरि फ्याँकिएको बल पनि छक्का प्रहार भयो ।
भिसरअघि भारतीय ब्याट्सम्यान युवराज सिंहसहित तीन ब्याट्सम्यानले एक ओभरको ६ बलमा ६ छक्का प्रहार गरेका थिए । युवराजले सन् २००७ मा इंग्ल्याण्डका स्टुअर्ट ब्रोडविरुद्ध ६ बलमा ६ छक्का प्रहार गरेका थिए । भिसर टी–२० अन्तर्राष्ट्रिय खेलको एक ओभरमा ६ छक्का प्रहार गर्ने चौथो ब्याट्सम्यान बनेका छन् । यसअघि युवराज सिंह बाहेक केरोन पोलार्ड (श्रीलंकाविरुद्ध २०२१) र नेपालका दीपेन्द्र सिंह ऐरी (कतारविरुद्ध २०२४) ले एक ओभरमा ६ छक्का प्रहार गरेका थिए ।
