एजेन्सी । रिपब्लिकन पार्टीका राष्ट्रपति पदका उम्मेदवार डोनाल्ड ट्रम्पले सोमबार उपराष्ट्रपति कमला ह्यारिसको मिशिगनको र्यालीमा ठूलो भीड नभएको दाबी गरेका छन् । र्यालीमा बढी भीड देखाउन एआई प्रयोग गरिएको उनले बताए ।
ट्रम्पले आफ्नो सामाजिक सञ्जाल ट्रुथमा ह्यारिसलाई नक्कली भीड देखाएको कारणले २०२४ को चुनावका लागि अयोग्य घोषित गर्नुपर्ने लेखेका छन् । उनले नक्कली छवि बनाउनु गलत भएको बताए ।
कमलाले बुधबार (७ अगस्ट) मिशिगनको डेट्रोइटमा चुनावी र्यालीलाई सम्बोधन गरेकी थिइन् । यो र्याली अघि विमानस्थलमा ठूलो भीड जम्मा भएको थियो । यसको तस्बिर सामाजिक सञ्जालमा भाइरल भयो, त्यसपछि ट्रम्पले यो सबै नक्कली भएको बताए ।
ट्रम्पले सामाजिक सञ्जालमा लेखेका छन्, ‘कमलाले एयरपोर्टमा धोका दिएको कसैले याद गर्यो ? उनले समर्थकहरूको ठूलो भीड देखाइन्, तर त्यस्तो भएन । त्यहाँ उनको पर्खाइमा कोही थिएन ।’
यसै वर्षको नोभेम्बरमा अमेरिकामा राष्ट्रपतिको निर्वाचन हुँदैछ । डेमोक्र्याटिक उम्मेदवार कमला ह्यारिसले यस चुनावमा टिम वाल्जलाई उपराष्ट्रपतिको उम्मेदवारको रूपमा चयन गरेकी छन् । टिम वाल्ज अमेरिकी राज्य मिनेसोटाका गभर्नर हुन् । कमला ह्यारिसले यो कदमलाई ग्रामीण र गोरा मतदातालाई आकर्षित गर्ने प्रयासको रूपमा हेर्दै छिन् ।
