काठमाडौं । चार वटा कम्पनीहरुले ९ अर्ब १० करोड ५० लाख रुपैयाँ बराबरको आइपीओ निष्काशन गर्न धितोपत्र बोर्डसँग अनुमति मागेका छन् । नेपाल इन्फ्रास्ट्रक्चर बैंक, ज्योति लाइफ इन्स्योरेन्स कम्पनी , न्यादी हाइड्रो पावर कम्पनी र महिला लघुवित्त वित्तिय संस्थाले आइपोओको लागि अनुमति मागेका हुन् ।
नेपाल इन्फ्रास्ट्रक्चर बैंकले ८ अर्बको आइपीओ निष्काशन गर्न अनुमति माग्दै मंसिर १९ गते निवेदन दिएको हो । उक्त कम्पनीको एनआइबीएल एस क्यापिटल बिक्रि प्रबन्धकमा रहेको जनाएको छ । ज्योति लाइफले ६६ करोड रुपैयाँ बराबरको आइपीओ निष्काशन गर्दैछ । ज्योतिको बिक्रि प्रबन्धक एनएमबि क्यापिटल रहेको छ । त्यस्तै महिला लघुवित्त वित्तिय संस्थाले ४ करोड रुपैयाँ बराबरको आइपीओ निष्काशन गर्न लागेको छ । उक्त संस्थाको बिक्रि प्रबन्धकमा नेपाल एसबीआई मर्चेन्ट रहेको छ । न्यादी हाइड्रो पावर लिमिटेडले ४० करोड ५० लाख रुपैयाँ बरारबको आइपीओ निष्काशन गर्न लागेको हो ।
नेपाल इन्फ्रास्ट्रक्चर बैंकको सर्वाधिक ठूलो राशीको आइपीओ निकाल्ने तयारीमा रहेको जनाएको छ । त्यस्तै, न्यादी हाइड्रो पावरले पनि आयोजना प्रभावित स्थानीयका लागि आइपीओ निष्काशन गर्न अनुमति मागेको हो।
