काठमाडौँ । नेपाल फाईनान्स लिमिटेडको हकप्रद शेयरका लागि आवेदन दिने आज अन्तिम दिन हो । कम्पनीले कात्तिक ५ गतेसम्म कायम साबिक शेयरधनीहरुका लागि मंसिर ४ गतेदेखि १ शेयर बराबर १ दशमलव २५ शेयरको अनुपातमा हकप्रद शेयर बिक्री निष्काशन खुल्ला गरेको थियो ।
यो हकप्रद शेयर विक्री गर्न कम्पनीले असोज १९ गते नेपाल धितोपत्र बोर्डबाट अनुमति पाएको हो । हकप्रद शेयर विक्री गर्न भने कम्पनीले गत फागुन २९ गते बोर्डमा निवेदन दिएको थियो ।
यस हकप्रदलाई इक्रा नेपालले इक्राएनपी आईपीओ ग्रेड ५ रेटिङ प्रदान गरेको छ । ग्रेड ५ ले कम्पनीको आधारहरु कमजोर रहेको संकेत गर्दछ । हाल यस कम्पनीको चुक्तापूँजी रू. १३ करोड ५८ लाख १ हजार रहेको छ । हकप्रद पश्चात यो पूँजी रू. ३० करोड ५५ लाख ५१ हजार पुग्नेछ । उक्त हकप्रद बिक्री कार्य आज बैंकिङ समय पछि बन्द गरिने धितोपत्र निष्काशन तथा बिक्री प्रबन्धक प्रभु क्यापिटलले जनाएको छ।
