एजेन्सी । पुरुष १०० मिटर दौडमा अमेरिकी एथलीट नोआ लिल्स विजयी भएका छन् । लिल्सले जमैकाका किशाने थम्पसनलाई पराजित गर्दै स्वर्ण पदक जिते ।
यस प्रतियोगिताको कास्य पदक अमेरिकाका फ्रेड केर्लीले जिते । टोकियो ओलम्पिक च्याम्पियन इटालीका ज्याकब लोमान्ट मार्सेल पाँचौ स्थानमा रहे र स्वर्ण पदक जोगाउन सकेनन् ।
लिल्स जस्टिन ग्याटलिनपछि पुरुष १०० मिटरमा स्वर्ण पदक जित्ने पहिलो अमेरिकी खेलाडी हुन् । ग्याटलिनले २००४ एथेन्स ओलम्पिकमा स्प्रिन्टमा स्वर्ण पदक जितेका थिए । लिल्सले ९.७८४ सेकेण्डको व्यक्तिगत उत्कृष्ट समय निकाल्दै स्वर्ण पदक जिते भने दोस्रो स्थानमा रहेकी थम्पसनले ९.७८९ सेकेन्डमा समय पुरा गर्दै रजत पदक जिते ।
लिल्स र थम्पसनबीच मात्र ०.५ सेकेण्डको अन्तर थियो । कास्य पदक जित्ने केर्लीले ९ दशमलव ८१० सेकेण्डमा दौड पूरा गरी तेस्रो भए ।
एथलीटहरूले नतिजा जान्न सामान्य भन्दा लामो समय कुर्नुपरेको थियो किनभने दौड समाप्त गर्ने पहिलो सात खेलाडीहरू ठूलो स्क्रिनमा देखाइएका थिए र धेरै नजिक देखिन्थ्यो । तर, लिल्स विजेता घोषित भए ।
