काठमाडौं । हिमालयन डिष्टिलरीले शत प्रतिशत लाभांशको प्रस्ताव गरेको छ । कम्पनीले शेयरधनीलाई ५० प्रतिशत बोनस र ५० प्रतिशत नगद लाभांश (कर सहित) गरी शत प्रतिशत लाभांश दिने निर्णय गरेको हो ।
बिहिबार कम्पनीको बसेको सञ्चालक समितिको बैंठकले गत आर्थिक वर्ष मुनाफाबाट शत प्रतिशत लाभांश वितरण गर्ने निर्णय गरेको हो । साधारण सभा प्रयोजनको लागि कम्पनीले पुस १७ गते (एक दिन) बुक क्लोज गर्ने निर्णय गरेको छ । बुक क्लोजको आधारमा पुस १६ गतेसम्म कायम शेयरधनीले मात्र सभामा भाग लिन र लाभांश पाउने जनाउको छ ।
हाल कम्पनीको चुक्तापूँजी रू. ५७ करोड ८४ लाख ६८ हजार छ । बोनस वितरण पछि कम्पनीको चुक्तापूँजी रू. ८६ करोड ७७ लाख पुग्नेछ । उक्त लाभांश पारित गर्न कम्पनीले २०औं वार्षिक साधारण सभा पुस २९ गते बोलाएको छ । कम्पनीले रजिष्टर्ड कार्यालय पर्सा, विरगञ्जमा साधारण सभा आयोजना गरेको हो ।
