चितवन । भरतपुरस्थित पुरानो मेडिकल कलेजको तेस्रो तलाबाट खसेर एक बिरामीको मृत्यु भएको छ ।
हुप्सीकोट गाउँपालिका–२, घर भएका ७६ वर्षीय बलबहादुर खाम्चा मगर आज बिहान अस्पतालको झ्यालबाट खसेर गम्भीर घाइते भएका थिए । उनको सोही अस्पतालमा मृत्यु भएको हो ।
प्रहरीका अनुसार मगर बुधबार पिसाब थैलीमा क्यान्सर भएकोले अस्पतालमा उपचार गर्न आएका थिए ।
दृष्टिविहीन मगर बाटो खोजेर बाहिर निस्किने क्रममा झ्यालबाट खस्न गएको जानकारी आएको प्रहरीले प्रारम्भिक अनुसन्धान गरेको छ ।
यसबारे थप अनुसन्धान भइरहेको पनि प्रहरीले जनाएको छ ।
