काठमाडौँ । नेपाल अन्तर्राष्ट्रिय क्रिकेट काउन्सिल (आईसीसी)ले प्रदान गर्ने आईसीसी डिजिटज फ्यान इन्गेजमेन्ट अफ दी इयर अवार्डबाट सम्मानित भएको छ ।
यसअघि एसिया क्षेत्रको विजेताका रुपमा ग्लोबल अवार्डका लागि मनोनयनमा परेको नेपालले बुधबार यो सफलता हात पारेको हो ।
आईसीसीले डेभलपमेन्ट अवार्ड अन्तर्गत विभिन्न ६ शीर्षकमा ग्लोबल अवार्ड प्रदान गर्दै आएको छ ।
आईसीसीले आफ्नो एसोसियट सदस्यले क्रिकेटको विकासमा हात पारेको सफलताका आधारमा यी अवार्डहरु दिँदै आएको छ ।
यस्तै, ‘आईसीसी डेभलपमेन्ट इनिसियटिभ अफ दी इयर अवार्ड’ मेक्सिको, ‘१०० पर्सेन्ट क्रिकेट फिमेल क्रिकेट इनिसियटिभ अफ दी इयर अवार्ड’ ओमान, ‘आईसीसी एसोसियट मेम्बर मेन्स पर्फमेन्स अफ दी इयर अवार्ड’ नेदरल्यान्ड्स, ‘आईसीसी एसोसियट मेम्बर वुमन्स पर्फमेन्स अफ दी इयर अवार्ड’ यूएई र ‘क्रिकेट फर गुड सोसियल इम्प्याक्ट इनिसियटिम अफ दी इयर अवार्ड’ स्कटल्यान्डले जितेका छन् ।
केही महिनाअघि अमेरिका र वेस्ट इन्डिजमा सम्पन्न टी–२० विश्वकपमा नेपाली क्रिकेट फ्यानको सहभागिता र उपस्थिती र समर्थनलाई लिएर आईसीसीलगायत विश्वमा मा नै चर्चा भएको थियो । साथै, घरेलु मैदान कीर्तिपुरमा पनि नेपालको खेल हुँदा उल्लेख्य दर्शकहरुको उपस्थिती हुँदै आएको छ ।
