काठमाडौं । मोरङको बेलबारी ४ मा सोमबार एक स्कुटर दुर्घटनामा पर्यो । दुर्घटनामा परी घाईते हुनेमा बेलबारी नगरपालिका ११ का ४३ वर्षीय अर्जुन खत्री र सोही स्थानका ६३ वर्षीय दुर्गा भण्डारी रहेछन् । तर सो दुर्घटना भईरहँदा वरिपरीका मानिसहरु भने मुकदर्शक बनेर नै बसिरहेका थिए ।
कसैलाई पनि ति घाईतेहरुलाई सहयोग गरेनन् । पूर्व पश्चिम राजमार्गमा भएको सो दुर्घटनामा उनीहरुको तड्पन र छटपटाहटलाई मानविय सहयो गर्न कसैको मनमा त्यो भावनै आएन । त्यतिकैमा झापाबाट आउँदै गरेका मुख्यमन्त्री शेरधन राईको सवारी लस्कर सोही स्थानमा पुग्यो। तर, सो लस्करले पनि घाइतेलाई सडकमै छोडेर हिँड्यो। लस्करमा मुख्यमन्त्री राईले सडकमा भएको दुर्घटनालाई नजरअन्दाज गरेर हुँईकिए ।
उनीसँगै रहेका सुरक्षाकर्मीलाई पनि उनले उद्धार गर्न भनेनन्। केहिसमय पश्चात मुख्यमन्त्रीको लस्कर त्यहाँबाट गइसकेपछि प्रहरी त्यहाँ पुगेर घाइतेको उद्धार गर्यो। तर, उद्धारमा ढिलाई भइसकेको थियो। घाइते मध्ये खत्रीको निधन भइसकेको छ। अर्को घाइते भण्डारीको उपचार भइरहेको प्रहरीले जनाएको छ।
