काठमाडौँ । राष्ट्रपति रामचन्द्र पौडेलले नवनियुक्त प्रधानमन्त्री केपी शर्मा ओलीलाई आज प्रधानमन्त्री पदको पद तथा गोपनीयताको शपथ गराउनुभएको छ ।
नवनियुक्त प्रधानमन्त्री ओलीले आज बिहान राष्ट्रपति भवन शीतल निवासमा आयोजित विशेष समारोहमा राष्ट्रपति पौडेलसमक्ष पद तथा गोपनीयताको शपथ लिनुभएको हो ।
यस्तै, नवनियुक्त मन्त्रीहरुले पनि आजै शपथ लिनुभएको छ । सोमबार प्रधानमन्त्रीमा नियुक्त हुनुभएका ओली मुलुकको ४५औँ प्रधानमन्त्री बन्नुभएको छ । सोमबारै उहाँले २२ सदस्यीय मन्त्रिपरिषद् गठन गर्नुभएको छ ।
राष्ट्रपतिको कार्यालयका अनुसार, प्रधानमन्त्री ओलीपछि मन्त्रिपरिषद्को दोस्रो वरीयतामा नेपाली कांग्रेसका तर्फबाट नेतृत्व गरेका उपप्रधान एवं सहरी विकासमन्त्री प्रकाशमान सिंह हुनुहुन्छ । यस्तै, वरीयताको तेस्रो नम्बरमा उपप्रधान एवं अर्थमन्त्री विष्णु पौडेल हुनुहुन्छ ।
वरीयता सूची यसप्रकार छ –
१. केपी शर्मा ओली – प्रधानमन्त्री तथा मन्त्रिपरिषद्को कार्यालय
२. प्रकाशमान सिंह – उपप्रधान तथा सहरी विकास
३. विष्णु पौडेल – उपप्रधान तथा अर्थ
४. पृथ्वीसुब्बा गुरुङ – सञ्चार तथा सूचना प्रविधि
५. रमेश लेखक – गृह
६. शरतसिंह भण्डारी – श्रम, रोजगार तथा सामाजिक सुरक्षा
७. आरजु राणा – परराष्ट्र
८. प्रदीप यादव – खानेपानी
९. बलराम अधिकारी – भूमि व्यवस्था, सहकारी तथा गरिबी निवारण
१०. दामोदार भण्डारी – उद्योग, वाणिज्य तथा आपूर्ति
११. नवलकिशोर साह सुडी – महिला, बालबालिका तथा ज्येष्ठ नागरिक
१२. देवेन्द्र दाहाल – भौतिक पूर्वाधार तथा यातायात
१३. तेजुलाल चौधरी – युवा तथा खेलकुद
१३. प्रदीप पौडेल – स्वास्थ्य तथा जनसंख्या
१४. अजय चौरसिया – कानुन, न्याय तथा संसदीय मामिला
१५. बद्री पाण्डे – संस्कृति, पर्यटन तथा नागरिक उड्डयन
१६. रामनाथ अधिकारी – कृषि तथा पशुपन्छी विकास
१७. विद्या भट्टराई – शिक्षा, विज्ञान तथा प्रविधि
१८. मानवीर राई – रक्षा
१९. दीपक खड्का – ऊर्जा, जलस्रोत तथा सिँचाइ
२०. राजकुमार गुप्ता – संघीय मामिला तथा सामान्य प्रशासन
२१. ऐनबहादुर शाही – वन तथा वातावरण
