काठमाडौं । मंगलबार नेप्से कारोबार भएको पहिलो घण्टामा परिसूचक ५७ दशमलव ३८ अंकले बढेको छ । शेयर बजार पहिलो घण्टामा १ हजार ९८७ दशमलव ४८ विन्दुबाट शुरु भएको बजार कारोबारको पहिलो घण्टामा २ दशमलव ९२ प्रतिशतले बढेर २ हजार ०२३ दशमलव ३४ विन्दुमा पुगेको छ ।
कारोबारको पहिलो घण्टामा नबिल बैंक र समृद्धि फाइनान्सको शेयरमूल्यको ९ दशमलव ९९ र ९ दशमलव ७६ प्रतिशतले बढेको छ । यस अवधिसम्म एनआईसी एशिया बैंकको सर्वाधिक कारोबार भएको छ । उक्त कम्पनीको रू. २६ करोड ५१ लख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ८४४ मा कारोबार भइरहेको छ ।
यस अवधिमा १९३ ओटा कम्पनीको रू. १ अर्ब ८८ करोड ४४ लाख बराबरको ३४ लाख १७ हजार ५५० कित्ता शेयरको खरीदविक्री भएको छ । उक्त कारोबार १५ हजार ४६५ पटकको व्यापारमा भएको हो ।
यस अवधिमा कारोबारमा आएका १२ ओटा समूहको परिसूचकमध्ये म्युचुअल फण्ड समूहको परिसूचक शून्य दशमलव शून्य २ प्रतिशतले घटेको छ भने बाँकी बैंकिङ, व्यापार, होटल्स, विकास बैंक, जलविद्युत, वित्त, निर्जीवन बीमा, उत्पादन तथा प्रशोधन, अन्य, लघुवित्त र जीवन बीमा समूहको परिसूचक बढेको छ ।
