काठमाडौँ । नेकपा एमालेका अध्यक्ष केपी शर्मा ओली आज ५ बजेपछि प्रधानमन्त्रीमा नियुक्ति हुँदै छन् ।
उनलाई आइतबार बेलुका ५ बजेपछि प्रधानमन्त्रीमा नियुक्ति गर्ने तयारी राष्ट्रपति कार्यालय शीतल निवासले गरेको छ ।
राष्ट्रपति रामचन्द्र पौडेलले ओलीलाई प्रधानमन्त्रीमा नियुक्त गर्न ५ बजेका लागि समय छुट्याएको बताइएको छ ।
संविधानको धारा ७६ (२) बमोजिम नियुक्तका लागि नेपाली कांग्रेसका संसदीय दलका नेता शेरबहादुर देउवाको समर्थन रहेको छ ।
यस्तै ओलीको शपथ सोमबार बिहान ११ बजेलाई राखिएको पनि राष्ट्रपति कार्यालय स्रोतले जनाएको छ ।
लोकतन्त्र प्राप्तिको सङ्घर्षमा लाग्नुभएका उनले लामो समय निरङ्कुश पञ्चायती शासन व्यवस्थामा कारबास भोगेका ओली यसअघि २०७२, २०७४ र २०७८ सालमा गरी तीन पटक प्रधानमन्त्री भइसकेका छन् ।
