काठमाडौं । बुधबार कारोबार भएको पहिलो घण्टामा नेप्से परिसूचक ४२ दशमलव ९६ अंकले बढेको छ । यस अवधिमा २ हजार ०९४ दशमलव २८ विन्दुबाट शुरु भएको बजार कारोबारको पहिलो घण्टामा २ दशमलव शून्य ८ प्रतिशतले बढेर २ हजार १०४ दशमलव ३८ विन्दुमा पुगेको छ ।
पहिलो घण्टाको अवधिमा १९० ओटा कम्पनीको १८ हजार १७४ पटकको कारोबारमा ३८ लाख ९ हजार ५४४ कित्ता शेयरको रू. २ अर्ब ७४ करोड ९८ लाख बराबरको खरीदविक्री भएको छ । कारोबारको पहिलो घण्टामा नबिल बैंक र समृद्धि फाइनान्सको शेयरमूल्यको क्रमशः ९ दशमलव ९७ र ९ दशमलव ६३ प्रतिशतले बढेको छ ।
यस अवधिसम्म नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. ८० करोड ८४ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार ५५९ मा कारोबार भइरहेको छ ।
यस अवधिमा कारोबारमा आएका १२ ओटा समूहको परिसूचकमध्ये होटल्स र वित्त समूहको परिसूचक शून्य दशमलव ८५ र शून्य दशमलव १६ प्रतिशतले घटेको छ भने बाँकी बैंकिङ, व्यापार, विकास बैंक, जलविद्युत, निर्जीवन बीमा, उत्पादन तथा प्रशोधन, अन्य, लघुवित्त, जीवन बीमा र म्युचुअल फण्डसमूहको परिसूचक बढेको छ ।
