एजेन्सी । गत महिनाको अन्त्यमा सकिएको टी–२० विश्वकप २०२४ मा भारतीय फास्ट बलर जसप्रित बुमराहले उत्कृष्ट प्रदर्शन गरेका थिए । फाइनलमा बुमराहले आफ्नो बलिङले भारतलाई जित दिलाएका थिए ।
जसप्रित बुमराह उत्कृष्ट प्रदर्शनका लागि प्लेयर अफ द टुर्नामेन्ट चुनिए । अब बुमराहको नाममा अर्को उपलब्धि थपिएको छ ।
उनले आईसीसी ‘प्लेयर अफ दी मन्थ’ उपाधि जितेका छन् । यसका लागि भारतीय फास्ट बलरले रोहित शर्मा र रहमानउल्लाह गुरबाजलाई पछाडि छोडेका छन् ।
टी–२० विश्वकपमा उनले ८ खेलको ८ इनिङ्समा ८.२६ को औसत र ४.१७ को इकोनोमीमा १५ विकेट लिए । उनी प्रतियोगितामा दोस्रो सर्वाधिक विकेट लिने खेलाडी हुन् । अफगानिस्तानका फजलहक फारुकी र अर्शदीप सिंहले १७–१७ विकेट लिएका थिए ।
