• २९ असार २०८१, शनिबार
  •      Sat Jul 13 2024
  •   Unicode
Logo

विराटनगरमा ग्याङफाइट हुँदा एक युवकको मुत्यु, दुई जना घाइते



विराटनगर । विराटनगरमा ग्याङफाइट हुँदा एक जनाको मृत्यु भएको छ । सोमबार राति १० बजे विराटनगर महानगरपालिका–२ नेपाल टेलिकम नजिकै दुई समूहबीच झडप हुँदा एक जनाको मृत्यु भएको छ भने दुई जना गम्भीर घाइते भएका छन् ।

ग्याङ फाइटमा घाइते भएका मोरङ कटारी गाउँपालिकाका २१ वर्षीय करण कामतको मृत्यु भएको हो । कटहरी–१ जमोटकीका २२ वर्षीय विक्रम मण्डल र १७ वर्षीय अमन राय घाइते छन् । उनीहरुलाई थप उपचारको लागि नोबेल अस्पतालमा रिफर गरिएको छ।

उनीहरु तीनै जना घाइते अवस्थामा भेटिएका जिल्ला प्रहरी कार्यालय मोरङले जनाएको छ । मृतक कमातको शरीरका विभिन्न स्थानमा धारिलो हतियार प्रहार गरिएको पाईएको छ ।

यस घटनामा संलग्न रहेको आशंकामा प्रहरीले चार जनालाई पक्राउ गरेको छ। यस विषयमा अनुसन्धान भइरहेको प्रहरीले जनाएको छ ।