काठमाडौँ । नेकपा एमालेले प्रधानमन्त्री पुष्पकमल दाहाल प्रचण्डलाई तत्काल राजीनामा दिएर नयाँ सरकार गठनमा मार्ग प्रशस्त गर्न आग्रह गरेको छ ।
आईतबार संसद् भवनकोस्थित ल्होत्से हलमा बसेको पार्टीको संसदीय दलको बैठकले यस्तो निर्णय गरेको हो ।
बैठकपछि बोल्दै प्रमुख सचेतक महेश बर्तौलाले अल्पमतमा परेको सरकारले निर्णयहरू गरिरहेको भन्दै त्यस्ता निर्णयहरू रोकनुपर्ने बताए । उनले भने, ‘माओवादी केन्द्रका अध्यक्ष समेत रहेका पुष्पकमल दाहाल प्रचण्ड नेतृत्वको सरकार अल्पमतमा परेको छ । त्यसकारण सरकारले तत्काल राजीनामा दिनुपर्छ । सरकारलाई कुनैपनि निर्णय नगर्न सरकारलाई सचेत गराएको छ’।
यस्तै, प्रधानमन्त्री दाहालले असार २८ अघि राजीनामा नदिए विश्वासको मतको विपक्षमा मतदान गर्ने निर्णय गरेको छ ।
