काठमाडौँ । प्रहरीले धारिलो हतियार देखाई लघुवित्तको रकम लुटपाट गर्ने दुई जनालाई पक्राउ गरेको छ ।
मुड्खु भञ्ज्याङ नजिक मानुषी लघुवित्त वित्तिय संस्था लिमिटेडका कर्मचारी संगिता रोक्काले संकलन गरेकी दुई लाख आठ हजार छ सय रकम चक्कु देखाई लुटपाट गर्ने दुई जना पक्राउ परेका हुन् ।
सूचना प्राप्त हुनासाथ प्रहरी वृत्त बालाजुबाट खटिएको प्रहरी टोलीले तारकेश्वर नगरपालिका–५ मुड्खु घर भएका बर्ष ३३ को सरोज परियार र रसुवा घर भई डल्लु बस्ने बर्ष २३ को संगम तामाङलाई पक्राउ गरेको हो । प्रहरीले उनीहरुको साथबाट एक लाख उनान्चालिस हजार पाँच सय रुपैयाँ नगद, बा ८३ प ५४२४ नम्बरको मोटरसाईकल र एक थान मोवाईल बरामत गरेको छ ।
उनीहरुमाथि प्रहरी वृत्त बालाजुबाट थप अनुसन्धान कार्य भईरहेको प्रहरीले जनाएको छ ।
