काठमाडौँ । अफगानिस्तान टी–२० विश्वकपको सुपर–८ मा प्रवेश गरेको छ । टोलीले पपुवा न्युगिनीलाई ७ विकेटले पराजित गर्दै सुपर–८ को टिकट काटेको हो ।
अफगानिस्तानले टस जितेर बलिङ गर्ने निर्णय गरेको थियो । पहिले ब्याटिङ गरेको पपुवा न्युगिनी १९.५ ओभरमा ९५ रनमा अलआउट भयो ।
फजलहक फारुकीले ४ ओभरमा १६ रन दिएर ३ विकेट लिए । जवाफमा अफगानिस्तानले १५.१ ओभरमा ३ विकेट गुमाएर लक्ष्य पछ्यायो । गुलबदिन नाइबले ४९ रनको अविजित इनिङ्स खेले । यस्तै, मोहम्मद नाबी १६ रनमा अविजित रहे भने अजमातुल्लाह ओमारजाईले १३ तथा रहमानुल्लाह गुरबाजले ११ रन जोडे ।
पावरप्लेमा पपुवा न्युगिनीले ५ विकेट गुमाएर मात्र ३० रन बनाएको थियो । यसपछि चाड सोपर र किपलिङ डोरिगाले इनिङ्स सम्हाल्ने प्रयास गरे । तर, चाड सोपर १० औं ओभरमा नूर अहमदबाट रनआउट भए ।
एली नाउ र डोरिगाबीच आठौं विकेटका लागि सर्वाधिक ३८ रनको साझेदारी भयो । यो साझेदारी नूर अहमदले तोडेका थिए । उनले डोरिगालाई २७ रनमा एलबीडब्लू गरे । टोलीले १९ दशमलव ५ ओभरमा ९५ रन मात्रै बनाउन सकेको थियो । टोलीका ४ ब्याट्सम्यान रनआउट भए । फारुकीले ४ विकेट लिए । नविन उल हकले २ विकेट लिए । जबकि नूर अहमदले एक सफलता हात पारे ।
यस समूह सी बाट अफगानिस्तान र वेस्ट इन्डिजले सुपर ८ को यात्रा तय गरे भने पिएनजी, युगान्डा र न्युजिल्यान्डको यात्रा समूह चरणबाटै सकियो ।
