• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   टेलिभिजन शोमा गरेको टिप्पणीलाई लिएर स्वस्तिमा र साम्राज्ञीले मागे जसितासँग माफी ★   अस्पताल भर्ना भएपछि पानी सङ्कटको विषयमा जारी भारतिय जलमन्त्रीको भोक हडताल समाप्त ★   आयकर ऐनको दफा ५७ लगानी प्रोत्साहनका लागि संशोधन गरिएको हो: अर्थमन्त्री पुन ★   बलिउड स्टारको पारिश्रमिक लगातार बढेपछि अनिल कपुरले दिए फ्रिमा काम गरेको उदाहरण ★   धनराजको घोषणा: मैले एक रुपैयाँ पनि भ्रष्टाचार गरेको प्रमाण ल्याए राजनीति छोड्छु ★   गगनको टिप्पणी: म जादुगर हो भनेको जस्तो गरी यताउति उफ्रिने काम प्रधानमन्त्रीलाई छोडिदिउँ ★   नेप्से परिसूचक पाँच दशमलव ६० अङ्कले बढ्यो ★   रास्वपालाई सहकारी ठगीबाट पार्टी सभापतिलाई कसरी जोगाउने भन्ने मात्रै चिन्ता छ: महामन्त्री शर्मा ★   म संसारकै भाग्यमानी छु झै लाग्छ – समिक्षा अधिकारी ★   मनप्रिय मनाङ

मधेसमा सतिश सिंह मुख्यमन्त्री बन्दै, सपथ आजै



जनकपुरधाम । मधेस प्रदेशको मुख्यमन्त्रीमा जनमत पार्टीका सतिसकुमार सिंह बन्ने लगभग निश्चित भएको छ । गठबन्धन दलले सिंहलाई मृुख्यमन्त्री बनाउने निर्णय गरेका छन् ।

संसदीय दलका नेता महेशकुमार यादवलाई अवसर नदिई जनमतले अर्थसमितिका सभापतिसमेत रहेका सिंहलाई मुख्यमन्त्री बनाउने निर्णय भएको हो । जनमतको यो निर्णयप्रति केही नेता भने असन्तुष्ट छन् ।

जनमत पार्टीको बिहीबार बसेको बैठकले सिंहलाई मुख्यमन्त्री बनाउने निर्णय गरेको हो । साधरणत: संसदीय दलको नेतालाई मुख्यमन्त्री या सरकारको नेतृत्वमा लैजाने चलन छ । तर जनमतले संसदीय दलको नेता यादवलाई रोकेर सांसद सिंहलाई मुख्यमन्त्री बनाउने निर्णय गरेको हो ।

संघीय सत्ता गठबन्धनको सहमति अनुसार मधेसमा नेकपा एमाले, जनमत पार्टी, नेकपा माओवादी केन्द्र, नेकपा एकीकृत समाजवादी पार्टी, नागरिक उन्मुक्ति पार्टी र केही साना दलसमेत ५६ जनाको समर्थन सिंहलाई हुने छ ।

प्रदेश प्रमुख सुमित्रा सुवेदी भण्डारीले नयाँ सरकार बनाउन आज १० बजेसम्मको समय दिएर दाबी पेश गर्न आह्वान गरेकी छन् ।
सिंह र यादव दुवैजना सप्तरीबाट निर्वाचित प्रदेश सभा सदस्य हुन् । सिंह २०७९ को निर्वाचनमा सप्तरी २ (१) बाट विजयी भएका थिए । उता यादव सप्तरी २ (२) बाट विजयी भएका थिए ।

यादवलाई जनमतले २०७९ पुस १६ गते संसदीय दलको नेता बनाएको थियो । जनमतका अध्यक्ष डा. सीके राउत पनि सप्तरी २ बाट उपेन्द्र यादवलाई हराउँदै प्रतिनिधि सभाको सदस्य छन् ।

केन्द्रको सत्ता गठबन्धनबीच भागबन्डा मिलेपछि सिंहलाई आज मुख्यमन्त्रीको शपथ ग्रहण गराउन लागिएको हो । त्यसअघि गठबन्धन दलबीच बहुमत जुटाएर उनले प्रदेश प्रमुख समक्ष मुख्यमन्त्रीको दाबी पेश गर्नेछन् ।

जनमतका अध्यक्ष डा. सीके राउत भने हाल अमेरिका भ्रमणमा छन् । उनी भोलि नेपाल फर्किने कार्यक्रम छ । मधेस सरकारको नेतृत्व आफ्नो भागमा मिलाएर उनी अमेरिका उडेका थिए ।