काठमाडौं । साताको अन्तिम कारोबारको दिन बिहीबार कारोबार भएको पहिलो घण्टामा नेप्से परिसूचक ११ दशमलव ७५ अंकले बढेर २ हजार १९० दशमलव ३२ विन्दुमा पुगेको छ । यस अवधिसम्म २ हजार १८१ दशमलव २७ विन्दुबाट शुरु भएको बजार कारोबारको पहिलो घण्टामा शून्य दशमलव ८२ प्रतिशतले बढेको हो ।
यस अवधिसम्म प्रभु बैंकको सर्वाधिक कारोबार भएको छ । उक्त कम्पनीको रू. ९ करोड ५२ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ३७५ मा कारोबार भइरहेको छ ।
पहिलो घण्टाको अवधिमा १९२ ओटा कम्पनीको १० हजार २८४ पटकको कारोबारमा २१ लाख ६९ हजार ५७९ कित्ता शेयरको रू. १ अर्ब १४ करोड ७ लाख ९४ हजार बराबरको खरीदविक्री भएको छ । कारोबारको पहिलो घण्टामा नारायणी विकास बैंकको शेयरमूल्य सर्वाधिक ९ दशमलव ९१ प्रतिशतले वृद्धि भएर प्रतिकित्ता शेयरमूल्य रू. ६३२ कायम भएको छ ।
पहिलो घण्टामा कारोबारमा आएका १२ ओटा समूहको परिसूचकमध्ये होटल्स र म्युचुअल फण्ड समूहको परिसूचक शून्य दशमलव १५ र शून्य दशमलव शून्य ५ प्रतिशतले घटेको छ भने बाँकी बैंकिङ, व्यापार, विकास बैंक, जलविद्युत, वित्त, निर्जीवन बीमा, उत्पादन तथा प्रशोधन, अन्य, लघुवित्त र जीवन बीमा समूहको परिसूचक बढेको छ ।
