काठमाडौं । पूर्वराष्ट्रपति विद्यादेवी भण्डारीले उभौली पर्वले राष्ट्रिय एकतालाई थप सुदृढ बनाउन मद्दत पुग्ने विश्वास व्यक्त गर्नुभएको छ ।
किराँत समुदायको महान् पर्व उभौलीको शुभ अवसरमा स्वदेश तथा विदेशमा रहनु भएका राई, लिम्बू, याक्खा, सुनुवार लगायत सम्पूर्ण किराँत समुदायलाई शुभकामना दिँदै पूर्वराष्ट्रपति भण्डारीले यस प्रकारका चाडपर्वहरूको माध्यमबाट विविध जातजाति र समुदाय बीच आपसी एकता, सद्भाव, सहिष्णुताको भावना अभिवृद्धि गर्ने बताउनुभएको छ ।
उहाँले शुभकामना सन्देशमा भन्नुभएको छ– ‘गर्मी छल्नजीवजन्तु तथा पशुपंक्षी बेँसीबाट लेकतिर बसाइँ सर्ने समयमाकिराँत समुदायद्वारावैशाख शुक्ल पूर्णिमाको दिनपितृ र प्रकृति (भूमि)को पूजा गरी मनाइनेविशिष्ट चाड हो,उभौली पर्व । यो समय बालीनाली लगाउने बेला समेत भएकाले यस अवसरमालगाइएको अन्नबाली सप्रियोस्¸ रोगव्याधि नलागोस्¸ खडेरी¸ बाढी¸ पहिरो जस्ता प्राकृतिक विपत्तिहरू नआऊन् भनी भूमिपूजा तथा पितृपूजा गर्ने परम्परा रहेको छ ।’
पूर्वराष्ट्रपति भण्डारीले भौगोलिक, जातीय¸ भाषिक एवं सांस्कृतिक विविधतायुक्त नेपाली समाजमा यस प्रकारका चाडपर्वहरूको माध्यमबाट विविध जातजाति र समुदाय बीच आपसी एकता, सद्भाव¸ सहिष्णुताको भावना अभिवृद्धि भई राष्ट्रिय एकतालाई थप सुदृढ बनाउन मद्दत पुग्ने विश्वास व्यक्त गर्नुभएको छ ।
उहाँले उभौली पर्वले सम्पूर्ण नेपालीहरूलाई आपसमा एक भएर सभ्य¸ सुसंस्कृत र समृद्ध समाज निर्माणका लागि अग्रसर हुन सबैलाई प्रेरणा प्रदान गरोस् भन्ने कामना गर्नुभएको छ ।
