काठमाडौं । प्रधानमन्त्री पुष्पकमल दाहालले सामुदायिक रेडियोको विकास तथा दिगोपनाका लागि सरकार प्रतिबद्ध रहेको बताउनुभएको छ ।
दक्षिण एसियाकै पहिलो स्वतन्त्र सामुदायिक प्रसारण सेवा रेडियो सगरमाथा एफएमको २८ औं स्थापना दिवसमा प्रधानमन्त्री दाहालले शुभकामना सन्देश पठाउँदै सामुदायिक रेडियोको विकासमा प्रतिबद्धता जनाउनुभएको हो ।
उहाँले नेपाल र दक्षिण एसियाकै मानक सामुदायिक प्रसारण सेवाको रुपमा स्थापित रेडियो सगमाथाले सूचना सम्प्रेषणका क्षेत्रमा पुर्याएको योगदानका लागिसमेत धनयवाद ज्ञापन गर्नुभएको छ ।
प्रधानमन्त्रीले शुभकामना सन्देशमा भन्नुभएको छ– ‘नेपालको अग्रगामी राजनीतिक परिवर्तन, द्वन्द्वको व्यवस्थापन, शान्ति स्थापना, समतामूलक समाज निर्माण, सामाजिक न्याय, लोकतान्त्रिक संस्कारको पूवद्र्धन, विधिको शासन, दिगो विकास, वातावरण संरक्षण, मानवअधिकार तथा अभिव्यक्ति स्वतन्त्रता लगायतका क्षेत्रमा रेडियोले खेलेको भूमिका सराहनीय छ ।’
उहाँले मुलुकले सामना गरिरहेका विद्यमान समस्या तथा तिनका समाधानका उपायसमेत जनतासम्म पुर्याउन रेडियोले अझै सशक्त जिम्मेवार र रचनात्मक भूमिका निर्वाह गर्ने अपेक्षासमेत गर्नुभएको छ ।
