काठमाडौँ । संसद्मा सभामुख देवराज घिमिरेको भूमिका पदीय गरिमाअनुकूल नभएको ठहर गरेको छ ।
सोमवार संसद भवनस्थित ल्होत्से हलमा बसेको संसदीय दलको बैठकपछिको पत्रकार सम्मेलनमा बोल्दै नेपाली काँग्रेसका प्रमुख सचेतक रमेश लेखकले यस्तो बताएका हुन् ।
उनले भने, प्रतिनिधि सभामा देखापरेको आजको दृश्यले सम्माननीय सभामुखको भुमिका पनि पदीय गरिमा अनुकुल नभएको ठहर गरेका छौँ । सभामुख जस्तो पदमा आसिन व्यक्तिले त्यो मर्यादा र गरिमा राख्नुपर्छ । कुनै एउटा पार्टी विशेषको कार्यकर्ताको रुपमा प्रश्तुत हुने कुरा सभामुखको लागि राम्रो हुँदैन । सभामुखको मर्यादा कायम राख्दै भुमिका खेल्न ध्यानाकर्षण गराएका छौँ ।’
उहाँले सभामुख घिमिरेले पार्टी विशेषको कार्यकर्ताको रुपमा प्रश्तुत हुनेगरी कारबाही अघि बढाएको बताउनु भयो । उहाँले लोकतन्त्र र संसदीय मूल्य र मान्यता विपरित नजान सरकारलाई चेतावनी दिनुभयो ।
