• ७ जेष्ठ २०८१, सोमबार
  •      Mon May 20 2024
  •   Unicode
Logo
Latest
★   सिंहदरबार, पार्टी कार्यालय र नेताको घरको फोहोर उठ्दैन – बालेन ★   अहिलेको संसदले संक्रमणकालिन न्यायसम्बन्धि विधेयक पारित गर्दैन: पूर्वसभामुख ढुंगाना ★   कांग्रेस केन्द्रीय कार्यसमिति र संसदीय दलको संयुक्त बैठक बुधबार ★   केकेआरले रच्यो इतिहास, अब तेस्रो उपाधिको पर्खाइमा ★   बाँदरको हैरानी झेल्न नसकेर खास्टेतालपारीका किसान कागतीखेतीमा ★   तेह्र खर्बको आयात, एक खर्ब २६ अर्बको निर्यात ★   नेताहरुको कुर्सी मोहका कारण मुलुक कमजोर अवस्थामा पुग्यो: विप्लव ★   कसैलाई आरोप लगाएको छैन, समाचार सदनमा पढेर सुनाएको हुँ – गृहमन्त्री ★   गेललाई जर्सी उपहार दिँदै कोहलीले भने – काका अर्को सिजन आईपीएलमा फर्किनु ★   कोरियन नागरिकको सहयोगमा विद्यालयमा शौचालय

इतिहासविद् ज्ञानमणि नेपालको निधनप्रति पूर्वराष्ट्रपति भण्डारीद्वारा दु:ख व्यक्त



काठमाडौं । इतिहासविद् ज्ञानमणि नेपालको निधनप्रति पूर्वराष्ट्रपति विद्यादेवी भण्डारीले दु:ख व्यक्त गर्नुभएको छ ।

पूर्वराष्ट्रपति भण्डारीले सामाजिक सञ्जालमार्फत् इतिहासविद् नेपालको निधनमा दु:ख व्यक्त गर्नुभएको हो । उहाँले भन्नुभएको छ– ‘नेपाल निरुपण’, ‘नेपाल निरुक्त’, ‘नेपाल–भोटचीन सम्बन्धका केही सांस्कृतिक पक्ष’, ‘नेपालको महाभारत’ लगायत दर्जनौँ अनुसन्धानमूलक पुस्तकका लेखक, नेपाली इतिहास लेखनको अनुसन्धानकर्ता, नेपालको सांस्कृतिक इतिहासका ज्ञाता एवं खोजकर्ता इतिहासविद् ज्ञानमणि नेपालको निधनको खबरले दु:खी भएको छु ।’

पूर्वराष्ट्रपति भण्डारीले इतिहासविद् नेपालको निधनबाट हामीले नेपाली इतिहासको वस्तुपरक अध्ययन र अनुसन्धानमा संलग्न एक देशभक्त वौद्धिक व्यक्तित्व गुमाएका छौं भन्नुभएको छ । उहाँले दिवंगत ज्ञानमणि नेपालप्रति भावपूर्ण श्रद्धाञ्जली व्यक्त गर्दै शोकाकुल परिवारजनमा गहिरो समवेदना प्रकट गर्नुभएको छ ।

इतिहासविद् नेपालको ९१ वर्षको उमेरमा मंगलबार निधन भएको थियो ।