एजेन्सी । ट्राभिस हेडले आईपीएल २०२४ मा अहिलेसम्म धेरै विस्फोटक इनिङ खेलेका छन् । लखनउ सुपर जाइन्ट्स विरुद्ध खेलिएको प्रतियोगिताको ५७ औँ खेलमा हेडले उत्कृष्ट इनिङ खेल्दै ३० बलमा ८ चौका र ८ छक्का प्रहार गर्दै अविजित ८९ रन बनाए ।
यो सिजनमा ट्राभिस हेडले विस्फोटक ब्याटिङ गरेको यो पहिलो पटक होइन, तर सुरुदेखि नै उनी यसरी ब्याटिङ गर्दै आएका छन् । तर यीनै ट्रेभिड हेड आरसीबीमा ‘वाटर ब्वाई’ थिए ।
हैदरावादबाट खेल्नुअघि ट्रेभिड हेड २०१६ र २०१७ मा रोयल च्यालेन्जर्स बैंगलोरको हिस्सा थिए । उनले आरसीबीका लागि धेरै मौका पाएनन् । सामाजिक सञ्जालमा एउटा तस्विर निकै भाइरल भइरहेको छ, जसमा हेडले पानीको बोतल समातेको देखिन्छ ।
तस्बिर सेयर गर्दै लेखिएको थियो, ‘बिलिभ मि, ट्राभिस हेड आरसीबीमा वाटर ब्वाई थिए ।’ तस्बिरमा हेड बैंगलोरका स्टार ब्याट्सम्यान एबी डिभिलियर्ससँग बाउन्ड्री रेखा नजिक पानीको बोतल समातेर उभिएको देख्न सकिन्छ ।
हेड दुई वर्ष २०१६ र २०१७ को लागि आरसीबीको एक हिस्सा थिए । तर, उनले दुई वर्षमा १० खेल मात्र खेल्न पाए । १० खेलमा ब्याटिङ गर्दै हेडले २९–२९ को औसत र १३८.५१ को स्ट्राइक रेटमा २०५ रन बनाए, जसमा उनको उच्च स्कोर अविजित ७५ रन थियो । २०१७ पछि, हेड आरसीबीको हिस्सा थिएनन् ।
त्यसपछि आईपीएल २०२४ को लागि भएको मिनी अक्सनमा हेडलाई सनराइजर्स हैदरावादले हेडलाई ६.८० करोडमा किनेको थियो । यो सिजन हैदरावादका लागि अष्ट्रेलियाका ब्याट्सम्यान निकै सफल साबित भएका छन् । हैदरावादको ओपनिङको जिम्मेवारी हेडले लिएका छन् । उनी टोलीका लागि सफल ओपनर साबित भए ।
हेडले आईपीएल २०२४ मा अहिलेसम्म ११ खेल खेलिसकेका छन् । यी खेलका ११ इनिङ्समा उनले ५३.३० को औसत र २०१.८९ को स्ट्राइक रेटमा ५३३ रन बनाएका छन् । यो अवधिमा उनले १ शतक र ४ अर्धशतक बनाएका छन् । उनले ६१ चौका र ३१ छक्का प्रहार गरेका छन् ।
