मिलान । इटालियन सिरी ‘ए’ को शीर्ष स्थानमा एसी मिलानको अग्रता शनिबार दुई अंकले खुम्चिएको छ । उसलाई एटलान्टाले सानसिरोमा ३–० ले स्तब्ध पार्यो । एटलान्टका लागि क्रिस्टियन रोमेरो, जोसिप इलिसिच र डुभान जापाटाले गोल गरे ।
शनिबारको अर्को खेलमा इन्टर मिलानसँग शीर्ष स्थानमा अंक बराबरी गर्ने अवसर थियो तर उसलाई पनि उडिनेजीले गोलरहित बराबरीमा रोक्यो ।
यो सिजन मिलानलाई लिगमा हराउने दोस्रो टिम बनेको एटलान्टा भने ३६ अंकसाथ चौथो स्थानमा उक्लेको छ । मिलानको ४३ अंक छ । तेस्रो स्थानमा रहेको रोमाले अर्को खेलमा स्पेजियालाई ४–३ ले पराजित गर्यो ।
