काठमाडौँ । आईपीएल अन्तर्गत दिल्ली क्यापिटल्स (डिसी)ले मुम्बई इन्डियन्सलाई जितका लागि २५८ रनको लक्ष्य दिएको छ ।
दिल्लीको अरुण जेटली स्टेडियममा जारी खेलमा मुम्बईले टस जितेर बलिङ गर्ने निर्णय गरेको थियो । दिल्लीले २० ओभरमा ४ विकेट गुमाएर २५७ रन बनायो ।
दिल्लीका लागि ज्याक फ्रेजर–मागुर्कले २७ बलमा ८४ रनको इनिङ खेले । जसमा उनले ११ चौका र ६ छक्का प्रहार गरे ।
ट्रिस्टन स्टब्सले ४७ र शाइ होपले ४१ रन बनाए । मुम्बईका लागि ल्यूक वुड, जसप्रित बुमराह, पियुष चावला र मोहम्मद नाबीले समान १–१ विकेट लिए ।
