काठमाडौं । स्मार्ट फोन उत्पादक कम्पनीहरु बीच कति ठूलो स्मार्ट फोन बनाउने भन्ने होडबाजी चलेको छ । पछिल्लो केहि वर्षदेखि स्मार्टफोन उत्पादकहरु ठूलो screen वाला smart phone मा केन्द्रित भइरहेका छन् । तर जापानको स्मार्टफोन राकुटेनले भने दुई औंलामा नै राख्न सकिने स्मार्टफोन बनाएर सबैलाई चकित बनाएको छ ।
कम्पनीले यस फोनलाई राकुटेन मिनी नाम दिएको छ । राकुटेन मीनी स्मार्टफोनमा कम्पनीले ३.६ इन्चको डिस्प्ले दिएको छ । जसमा ७२०×१२८० पिक्सलको एचडी रेज्युलुसन दिइएको छ । यसको आकार अत्यन्तै सानो छ ।
यस फोनको डायमेशन ५३.४×१०६.२×८.६ एमएम रहेको छ जसको तौल मात्रै ७९ ग्राम मात्र छ । राकुटेन मीनी स्मार्टफोन निकै नै कम्प्याक्ट साइजको स्मार्टफोन हो ।
राकुटेन मिनी स्मार्टफोनमा कम्पनीले क्वालकम स्न्यापड्रयागन ४३९ चिप सेट लगाएको छ । यस फोनमा ३ जीबी ramp र ३२ जीबी इन्टरनल स्टोरेज रहेको छ ।रिर्पोटअनुसार यस फोनमा मेमोरी कार्डको लागी कुनै स्लट दिईएको छैन् । यस फोनमा कम्पनीले १,२५० MAH Power को battery लगाएको छ ।
राकुटेन मिनी स्मार्टफोनको मुल्यको २१ हजार ८ सय येन रहेको छ । यो फोन सेतो, रातो र कालो रंगमा उपलब्ध छ ।
