• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   सुरक्षित मातृत्व सेवा सरकारले थप व्यवस्थित बनाउन जरुरी:सभापति डा.राणा ★   पपुवा न्युगिनीमा पहिरोमा परी करिब १०० जनाको मृत्यु भएको आशङ्का ★   राष्ट्रिय वाणिज्य बैंक लिमिटेडका नवनियुक्त प्रमुख कार्यकारी अधिकृत खनालद्वारा पदभार ग्रहण ★   क्यान्सरको जोखिम पहिचान गर्न स्वास्थ्य शिविर ★   डोजर लगाएपछि बागलुङका ताल सुक्दै ★   संसदलाई विधिसंगत रुपमा छलफलको केन्द्र बनाऔं: सभामुख घिमिरे ★   व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित ★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द ★   कार्यदल बैठक सकारात्मक रुपमा अघि बढिरहेको छ: महेश बर्तौला

एमाले अध्यक्ष ओली आज इलाम जाँदै, चुलाचुलीमा हुने चुनावी सभालाई सम्बोधन गर्ने



काठमाडौं । नेकपा एमालेका अध्यक्ष केपी शर्मा ओली आज इलाम जानुहुने भएको छ ।

इलामको चुलाचुलीमा हुने चुनावी सभालाई सम्बोधन गर्न ओली त्यस तर्फ जान लाग्नुभएको हो । अध्यक्ष ओली अपराह्न १२ बजे जहाजबाट भद्रपुर झरेर इलाम जाने कार्यक्रम छ ।

बैशाख १५ गते हुने इलाम क्षेत्र नं २ को उपनिर्वाचनको लागि आज एमालेले चुलाचुलीमा आयोजना गर्न लागेको अन्तिम चुनावी सभा हो । ओलीले बैशाख ६ गते इलामको मंगलबारेमा आयोजना गरिएको चुनावी सभालाई पनि सम्बोधन गर्नुभएको थियो ।

सो क्षेत्रबाट निर्वाचित प्रतिनिधि सभा सदस्य संविधान सभा अध्यक्ष, एमाले उपाध्यक्ष सुवासचन्द्र नेम्वाङको निधन भएपछि रिक्त रहेको स्थानमा बैशाख १५ गते उपनिर्वाचन हुन लागेको हो । क्षेत्रमा एमालेका तर्फबाट सुहाङ नेम्वाङ उम्मेदवार हुनुहुन्छ । उहाँलाई माओवादी केन्द्र, नेकपा माओवादी, परिवार दल लगायतको समर्थन छ । सुहाङ सुवासका छोरा हुनुहुन्छ ।

नेकपा एमालेका नेता इलामा क्षेत्र नं १ बाट निर्वाचित प्रतिनिधि सभा सदस्य महेश बस्नेतले सभा दिउँसो एक बजेबाट सुरु हुने जानकारी दिनुभयो । ‘हामीले १२ बजेबाट सुरु गर्ने भनेका थियौँ, अध्यक्षको जहाज केही ढिलो भएकोले एक बजेबाट कार्यक्रम सुरु हुन्छ’, बस्नेतले भन्नुभयो ।

अध्यक्ष ओली सभा सकेर आज झापा नै बस्ने कार्यक्रम छ । साँझ दमकमा भेटघाट कार्यक्रम राखिएको छ । उहाँ बिहीबार काठमाडौं फर्कने कार्यक्रम छ ।