• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   सुरक्षित मातृत्व सेवा सरकारले थप व्यवस्थित बनाउन जरुरी:सभापति डा.राणा ★   पपुवा न्युगिनीमा पहिरोमा परी करिब १०० जनाको मृत्यु भएको आशङ्का ★   राष्ट्रिय वाणिज्य बैंक लिमिटेडका नवनियुक्त प्रमुख कार्यकारी अधिकृत खनालद्वारा पदभार ग्रहण ★   क्यान्सरको जोखिम पहिचान गर्न स्वास्थ्य शिविर ★   डोजर लगाएपछि बागलुङका ताल सुक्दै ★   संसदलाई विधिसंगत रुपमा छलफलको केन्द्र बनाऔं: सभामुख घिमिरे ★   व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित ★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द ★   कार्यदल बैठक सकारात्मक रुपमा अघि बढिरहेको छ: महेश बर्तौला

आजको आईपीएलः चेन्नई र लखनउ भिड्दै



काठमाडौँ । इन्डियन प्रिमियर लिग (आईपीएल) अन्तर्गत आज मंगलबार चेन्नई सुपर किंग्स र लखनउ सुपर जाइन्ट्सबीच प्रतिस्पर्धा हुँदैछ । दुई टोलीबीचको खेल चेन्नईको एमए चिदम्बरम स्टेडियम (चेपौक) मा साँझ ७ः४५ बजे सुरु हुनेछ ।

दुबै टोली जारी सिजनमा दोस्रो पटक आमनेसामने हुनेछन् । यसअघिको भेटमा लखनउ ८ विकेटले विजयी भएको थियो ।

यो खेल दुवै टोलीको यो सिजनको आठौं खेल हुनेछ । दुवै टिमले ७ मध्ये ४ कम जित र ३ खेलमा हार ब्यहोरेका छन् । तर, राम्रो रन रेटका कारण चेन्नई चौथो स्थानमा र लखनउ पाँचौं स्थानमा छ ।

आईपीएलमा चेन्नई र लखनउबीच ४ खेल खेलिएको छ । २ मा लखनउ र १ मा चेन्नई विजयी भएको थियो । दुईबीचको एक खेल अनिर्णित रह्यो ।

५ पटकको आईपीएल च्याम्पियन चेन्नई सुपर किंग्सले यस पटक ३ खेलमा हार बेहोरेको छ भने चेपौक मैदानमा मात्रै ४ मध्ये ३ जित निकालेको छ । आजको खेल पनि चेपौकमा हुने भएकाले टोलीको जितको सम्भावना पनि उच्च छ । तर, लखनउ, दिल्ली र हैदरावादसँग ३ हार बेहोरेको टोलीले आज फेरि लखनउसँग खेल्दैछ ।

टोलीका लागि अलराउन्डर शिवम दुबेले सर्वाधिक रन बनाएका छन् । उनले ७ खेलमा २४५ रन बनाएका छन् । कप्तान रुतुराज गायकवाड २४१ रन बनाएर दोस्रो स्थानमा छन् । यो सिजन मुस्ताफिजुर रहमान र मथिश पाथिरानाले राम्रो प्रदर्शन गरिरहेका छन् । मुस्ताफिजुर ११ विकेटका साथ टिमका सर्वाधिक विकेट लिने बलर हुन् ।

अर्कोतर्फ लखनउले सिजनको पहिलो खेल राजस्थानसँग हारे पनि त्यसपछि लगातार ३ खेल जितेको थियो । दिल्ली र कोलकातासँग हार बेहोरे पनि अन्तिम खेलमा चेन्नईलाई पराजित गर्दै टोलीले पुनरागमन पनि गरेको छ । लखनउका कप्तान केएल राहुल सर्वाधिक रन बनाउने खेलाडी हुन्, उनले ७ खेलमा २८६ रन बनाएका छन् । यस्तै, यश ठाकुरले टोलीका लागि सर्वाधिक (८ विकेट) लिएका छन् ।

चेन्नईको एमए चिदम्बरम स्टेडियमको पिच स्पिनरहरूका लागि उपयोगी साबित भएको छ । यहाँ ब्याटिङ गर्न अलि कठिन हुन्छ । अहिलेसम्म यहाँ ७९ आईपीएल खेल खेलिएका छन् । ४७ खेल पहिले ब्याटिङ गर्ने टोलीले जितेका छन् भने ३२ खेल पछ्याउने टोलीले जितेका छन् । यहाँ उच्चतम टोली स्कोर २४६र५ हो, जुन घरेलु टोली चेन्नई सुपर किंग्सले २०१० मा राजस्थान रोयल्स विरुद्ध बनाएको थियो ।

आजको दिन चेन्नईको तापक्रम २९ डिग्रीदेखि ३५ डिग्री सेल्सियससम्म रहने अनुमान गरिएको छ । आज यहाँ पानी पर्ने कुनै सम्भावना छैन ।