काठमाडौँ । कोलकाता नाइट राइडर्स (केकेआर)ले रोयल च्यालेन्जर्स बैंगलोर (आरसीबी)लाई २२३ रनको लक्ष्य दिएको छ । इडेन गार्डेन स्टेडियममा भएको खेलमा बैंगलोरले टस जितेर पहिले बलिङ गर्ने निर्णय गरेको थियो ।
पहिले ब्याटिङ गरेको कोलकाताले २० ओभरमा ६ विकेट गुमाएर २२२ रन बनायो । कोलकाताका लागि कप्तान श्रेयस अय्यरले अर्धशतक बनाए । उनले ३६ बलमा ५० रन बनाए । यस्तै, फिल साल्टले ४८, रिंकु सिंहले २४, भेंकेटेश अय्यरले १६ रन जोड्दा आन्द्रे रसेल २७ तथा रमनदीप सिंह २४ रनमा अविजित रहे ।
आरसीबीका लागि यश दयाल र क्यामरुन ग्रीनले २–२ विकेट लिए । मोहम्मद सिराज र लोकी फर्गुसनले एक–एक विकेट लिए ।
