• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   बीसीसीआईले मुख्य प्रशिक्षकको लागि अष्ट्रेलियालीलाई प्रस्ताव गरेको छैन: जय शाह ★   सुरक्षित मातृत्व सेवा सरकारले थप व्यवस्थित बनाउन जरुरी:सभापति डा.राणा ★   पपुवा न्युगिनीमा पहिरोमा परी करिब १०० जनाको मृत्यु भएको आशङ्का ★   राष्ट्रिय वाणिज्य बैंक लिमिटेडका नवनियुक्त प्रमुख कार्यकारी अधिकृत खनालद्वारा पदभार ग्रहण ★   क्यान्सरको जोखिम पहिचान गर्न स्वास्थ्य शिविर ★   डोजर लगाएपछि बागलुङका ताल सुक्दै ★   संसदलाई विधिसंगत रुपमा छलफलको केन्द्र बनाऔं: सभामुख घिमिरे ★   व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित ★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द

आईपीएलको १६ औं वार्षिकोत्सवः पहिलो छक्का कसले हिर्काएका थिए ?



एजेन्सी । इन्डियन प्रिमियर लिग (आईपीएल)को आज १६ औं वार्षिकोत्सव हो । यो लिग १८ अप्रिल २००८ मा सुरु भएको थियो । हरेक वर्ष यो लिगले विश्वमा नयाँ स्थान हासिल गरेको छ ।

सन् २००८ मा पहिलो खेल कोलकाता नाइट राइडर्स (केकेआर) र रोयल च्यालेन्जर्स बैंगलोर (आरसीबी)बीच भएको थियो । यो खेल एम चिन्नास्वामी स्टेडियममा भएको थियो ।

पहिलो खेलमा केकेआरका लागि ओपनिङ गर्न आएका ब्रेन्डन म्याकुलमले ७३ बलमा १५८ रनको अविजित इनिङ खेले । आईपीएलएको पहिलो छक्का र पहिलो चौका उनको आफ्नै ब्याटबाट आएको थियो । म्याकुलमले खेलको दोस्रो ओभरको चौथो बलमा पहिलो छक्का प्रहार गरेका थिए ।

यस्तै, सिजनको पहिलो चौका पनि यही ओभरमा प्रहार भएको थियो । योसँगै सिजनको पहिलो चौका र छक्का भारतीय बलर जहीर खानको बलमा लागेको थियो । यो खेलमा म्याकुलम ‘प्लेयर अफ द म्याच’ घोषित भए ।

आरसीबीको लज्जास्पद हार

यो खेलमा केकेआरका कप्तानी सौरभ गांगुलीले गरेका थिए । त्यतिबेला राहुल द्रविड आरसीबीको कप्तान थिए । यस खेलमा केकेआरले तीन विकेट गुमाएर २२२ रन बनाएको थियो । यससँगै आरसीबीको टोलीले १५.१ ओभरमा ८२ रन मात्र बनाउन सकेको थियो । यो खेल केकेआरले १ सय ४० रनले जित्यो ।

राजस्थान रोयल्स च्याम्पियन


पहिलो सिजनको विजेताको कुरा गर्ने हो भने अष्ट्रेलियाका दिवंगत लेग स्पिनर शेन वार्नको नेतृत्वमा रहेको राजस्थान रोयल्सले फाइनल खेलमा चेन्नई सुपर किंग्सलाई ३ विकेटले पराजित गर्दै पहिलो उपाधि जित्न सफल रह्यो ।