• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   दिनेश कार्तिकलाई जिस्काउदै रोहितले भने: विश्वकप अझै बाँकी छ ★   कोटेश्वरका व्यवसायीहरुको भनाई ‘व्यवसाय पनि चलोस्, घरबेटी पनि मर्कामा नपरुन्’ ★   उपराष्ट्रपति यादवसँग पाकिस्तानका राजदूतको शिष्टाचार भेट ★   अत्यावश्यक औषधि स्वदेशमा उत्पादनका लागि प्रक्रियाअघि बढाइएको छ: उपप्रधानमन्त्री यादव ★   ‘खाद्य स्वच्छता तथा गुणस्तर विधेयक संशोधन’ लाई राष्ट्रिय सभाको सहमति ★   विसं २०८०: वन मन्त्रालयमा के के काम भए ? ★   व्यवस्था बदलिएपनि कुनै गुणात्मक परिवर्तन हुन सकेन: पूर्वराजा शाह ★   नेपाललाई पहिलो सफलता, दिपेन्द्रले लिए विकेट ★   वर्षान्त २०८०: विद्यालय शिक्षा विधेयकले तताएको वर्ष ★   सुनकोसी मरिण डाइभर्सन: वैशाख २६ गते ब्रेक थ्रुको तयारी

आईपीएल: गुजरातले घरेलु मैदानमा पहिलो पटक पञ्जाबको सामना गर्दै



एजेन्सी । इन्डियन प्रिमियर लिग (आईपीएल) को १७ औं सिजनको १७ औं खेलमा आज गुजरात टाइटन्स र पञ्जाब किंग्स खेल्दैछन्। अहमदाबादको नरेन्द्र मोदी स्टेडियममा हुन लागेको खेल नेपाली समयअनुसार बेलुकाको ७:४५ बजेबाट सुरु हुनेछ ।

गुजरातले आफ्नो घरेलु मैदान नरेन्द्र मोदी स्टेडियममा कुल १२ खेल खेलेको छ। जसमा आठ खेल जितेको छ भने चार खेलमा हार बेहोरेको छ । गुजरातले यहाँ खेलेको ६७% खेल जितेको छ। यसै मैदानमा टोलीले आफ्नो पहिलो लिग उपाधि पनि जितेको थियो। यस मैदानमा गुजरात र पञ्जाब पहिलो पटक आमनेसामने हुँदैछन् ।

यो सिजन आज गुजरात र पञ्जाब दुवै टोलीले आफ्नो चौथो खेल खेल्दैछन्। गुजरात तीन खेलबाट दुई जितसहित अंक तालिकाको पाँचौं स्थानमा छ। अर्कोतर्फ, पञ्जाबले तीन मध्ये एक खेल मात्र जितेको छ र तालिकाको आठौं स्थानमा छ।

हेड टु हेड

आईपीएलमा यी दुई टोलीबीच अहिलेसम्म जम्मा ३ खेल खेलिएका छन् । जसमा गुजरातले २ खेल जितेको छ भने पञ्जाबले एउटा मात्र जितेको छ ।

गुजरातका मध्यक्रमका ब्याट्सम्यान साई सुदर्शनले टोलीका लागि सबैभन्दा बढी रन बनाएका छन्। साईले अन्तिम ३ खेलमा ११९ को स्ट्राइक रेटमा १२७ रन बनाएका छन् । यस्तै, बलरमा मोहित शर्माले सर्वाधिक विकेट लिएका छन् ।उनले ३ खेलमा ६ विकेट लिएका छन् ।

यस्तै, शिखर धवन पञ्जाब किंग्सका शीर्ष ब्याट्सम्यान हुन् । धवनले एक अर्धशतक सहित कुल १३७ रन बनाएका छन् । टिमका लागि अलराउन्डर साम कुरनले सर्वाधिक ४ विकेट लिएका छन् ।

पिच रिपोर्ट

अहमदाबादको पिच ब्याटिङमैत्री मानिन्छ। हालसम्म यहाँ २९ आईपीएल खेल खेलिएका छन् । जसमा १४ खेलमा पहिलो इनिङ्समा ब्याटिङ गरेको टोली र १५ खेलमा रन पछ्याएको टोली विजयी भएको छ ।

मौसम अवस्था

बिहीबार अहमदाबादमा बादल हुनेछ । तर वर्षाको कुनै सम्भावना छैन। आज यहाँको तापक्रम ३७ देखि २५ डिग्री सेल्सियससम्म रहन सक्छ।

गुजरात टाइटंसको सम्भावित प्लेईङ ११:

शुभमन गिल (कप्तान), ऋद्धिमान साहा, अजमतुल्लाह ओमरजई, डेविड मिलर, विजय शंकर, राहुल तेवतिया, राशिद खान, उमेश यादव, मोहित शर्मा, नूर अहमद और दर्शन नालकंडे।

इम्पैक्ट प्लेयर: साई सुदर्शन।

पंजाब किंग्सको सम्भावित प्लेईङ ११:

शिखर धवन (कप्तान), जॉनी बेयरस्टो, सैम करन, लियम लिविंगस्टन, जितेश शर्मा (विकेटकीपर), शशांक सिंह, हरप्रीत बरार, राहुल चाहर, हर्षल पटेल, अर्शदीप सिंह और कगिसो रबाडा।

इम्पैक्ट प्लेयर: प्रभसिमरन सिंह।